این سی او سی کا اسد عمرکی سربراہی میں خصوصی اجلاس کل لاہور میں ہوگا

وفاقی وزیر برائے منصوبہ بندی اور ترقی اسد عمر کی سربراہی میں این سی او سی کی ٹیم کا صوبائی دارالحکومت پنجاب سے خصوصی اجلاس کل سوموار کو ہوگا اجلاس دیگر صوبائی دارالحکومتوں سے بھی منعقد کئے جائیں گے. لاہور میں ہونے والے اجلاس میں عید الاضحی کے موقع پر ایس او پیز پر عمل درآمد اور مویشی منڈیوں کی منجمنٹ کے سلسلے میں تمام صوبے بریفنگ دیں گے،اجلاس کی صدارت این سی او سی اسد عمرکریں گے ۔این سی او سی نیشنل کوآرڈینیٹر لیفٹیننٹ جنرل حمودالزمان اور این سی او سی کی کور ٹیم کے علاوہ وفاقی وزیر داخلہ بریگیڈئر ریٹائرڈ اعجاز شاہ ، ڈاکٹر فیصل سلطان ،وزیر اعلی پنجاب عثمان بزدار, وزیر قانون پنجاب, وزیر صحت پنجاب, چیف سیکریٹری پنجاب, اور آئی جی پولیس پنجاب شرکت کریں گے جبکہ اسلام آباد ,دیگر صوبوں کے نمائندے اور پنجاب کے دیگر اداروں کے نمائندے ویڈیو لنک کے ذریعے شرکت کریں گے۔