Pakistan latest updates, breaking news, news in urdu

کورونا مریضوں کی تعد اد ڈھائی لاکھ سے تجاوز:مزید 69افراد چل بسے

282
Spread the love

اسلام آباد: ملک میں کورونا کے مصدقہ مریضوں کی تعداد دو لاکھ 51 ہزار 625 ہو گئی ہے جب کہ اب تک اس وائرس سے 5 ہزار 226 افراد جاں بحق ہوگئے ہیں،مزید69افراد چل بسے۔نیشنل کمانڈ اینڈ آپریشن سینٹر کے اعداد و شمار کے مطابق گزشتہ 24 گھنٹوں کے دوران ملک بھر میں 22 ہزار 532 ٹیسٹ کیے گئے ہیں، اب تک 15 لاکھ 85 ہزار 170 ٹیسٹ کئے چکے ہیں۔گزشتہ 24 گھنٹوں کے دوران کورونا کے 2 ہزار 769 نئے کیسز سامنے آئے ہیں، جس کے بعد کورونا کے مصدقہ مریضوں کی تعداد دو لاکھ 51 ہزار 625 ہو گئی ہے۔ ملک میں اس وقت کورونا کے فعال کیسز کی تعداد 84 ہزار 442 ہیں جب کہ ایک لاکھ 61 ہزار 917 افراد صحت یاب ہوئے ہیں، فعال مریضوں میں سے ایک ہزار 837 کی حالت تشویش ناک ہے۔سرکاری اعداد و شمار کے مطابق کورونا وائرس کے سب سے زیادہ کیسز صوبہ سندھ میں ہیں۔ صوبے میں کورونا کے مریضوں کی تعداد ایک لاکھ 5 ہزار 533 ہو گئی ہے، پنجاب میں 87 ہزار 43 ، خیبر پختونخوا میں 30 ہزار 486، بلوچستان میں 11 ہزار 185، اسلام آباد میں 14 ہزار 108، گلگت بلتستان میں ایک ہزار 671 جب کہ آزاد کشمیر میں کورونا کے ایک ہزار 599 مریض رپورٹ ہوئے۔