Pakistan latest updates, breaking news, news in urdu

کورونا،آئندہ دوہفتے اہم،احتیاط نہ کی تواثرات کئی ماہ برداشت کرنے پڑینگے:اسدعمر

عیدالاضحیٰ،اور محرم پر ایس او پیزپرسختی سے عملدرآمد کیا جائے

246
Spread the love

کوئٹہ:وفاقی وزیر پلاننگ اینڈ ڈیولپمنٹ اسد عمر نے کہا ہے کہ کورونا وائرس کے حوالے سے آئندہ دو ہفتے اہم ہیں اگر عید الاضحیٰ اور محرم کے دوران احتیاط نہ کی گئی تو اسکے اثرات کئی ماہ تک برداشت کرنے ہونگے۔ عید الاضحیٰ اور محرم کے دوران تمام اسٹیک ہولڈرز عوام کوضابطہ اخلاق اور ایس او پیز سے آگاہ کریں۔کوئٹہ میں نیشنل کمانڈ آپریشن سینٹر کا اجلاس ہوا جس سےخطاب کرتے ہوئے وفاقی وزیر اسد عمر نے کہا کہ تمام اسٹیک ہولڈرز ملکر کر عید الاضحیٰ، محرم الحرام اور مویشی منڈیوں کے حوالے سے تیار کردہ ضابطہ اخلاق اور ایس او پیز سے عوام کو آگاہ کریں۔ان کا کہنا تھا کہ آئندہ دو ہفتے کورونا وائرس کی صورتحال کے حوالے سے انتہائی اہم ہیں اگر ایس او پیز پر عملدرآمد نہیں کیا گیا تو اس کے منفی اثرات آنے والے مہینوں میں برداشت کرنے پڑیں گے۔اجلاس کی میزبانی وزیراعلیٰ بلوچستان جام کمال خان نے کی جبکہ صوبائی چیف سیکرٹریز نے اجلاس میں ویڈیو لنک کے ذریعے شرکت کی۔ اجلاس میں عید الاضحیٰ پر مویشی منڈیوں اور نماز عید کے اجتماعات کے حوالے سے انتظامات کا جائزہ لیا گیا۔