حکومت ٹڈی دل کے خاتمے کیلئےعالمی بینک سے 30کروڑڈالرقرضہ لے گی

اسلام آباد:حکومت نے ملک میں ٹڈی دل کے خاتمے اورنقصانات کے ازالے کے لئے عالمی بینک سے 300 ملین ڈالر کاقرضہ لینے کا فیصلہ کیا ہے۔ نقصان کے ازالے کے لئے سب سے پہلے سروے کروایا جائے گا کہ کس علاقے میں ٹڈی دل کے حملوں کی وجہ سےکتنا نقصان ہوا ہے۔ذرائع کے مطابق   فودسکیورٹی اینڈ ریسرچ کی جانب سے متعدد بار صوبوں کو مراسلے جاری کئے گئے کہ وہ ہمیں ٹڈی دل کی وجہ سے فصلوں کو پہنچنے والے نقصانات کا درست تخمینہ لگا کردیں لیکن ابھی تک کوئی رسپانس نہیں ملا۔وزارت نیشنل فوڈ سکیورٹی اینڈ ریسرچ کے حکام نے بتایا کہ عالمی بینک سے 300 ملین ڈالر قرضہ لینے کیلئے مذاکرات مکمل ہوچکے ہیں اور بہت جلد پی سی ون پلاننگ ڈویژن کو بھجوایا جائے گا، توقع ہے رواں ماہ یا عید کے بعد منظوری مل جائے گی۔