Pakistan latest updates, breaking news, news in urdu

کشمیریوں سے اظہاریکجہتی،شاہ محمودکا5اگست کویوم استحصال منانیکااعلان

سری نگر ہماری منزل ہے،وزیرخارجہ،ہم نے کشمیریوں سے یکجہتی کو نئے انداز سے ڈیزائن کیا،شبلی فراز

244
Spread the love

اسلام آباد:وزیر خارجہ نے کشمیریوں سے اظہار یکجہتی کیلئے 5 اگست کو یوم استحصال منانے کا اعلان کر دیا۔ انہوں نے کہا ہماری منزل سری نگر، ہماری نظر سری نگر پر ہے، سری نگر کی جامع مسجد میں نوافل ادا کریں گے۔وزیر خارجہ شاہ محمود قریشی نے نیوز کانفرنس کرتے ہوئے کہا وزیراعظم 5 اگست کو کشمیریوں سے اظہار یکجہتی پر تاریخی خطاب کریں گے، 5 اگست کو پورے پاکستان میں ایک منٹ کی خاموشی ہوگی، کشمیر ہائی وے کا نام سری نگر ہائی وے رکھ رہے ہیں۔ انہوں نے کہا جنیوا میں جب کشمیریوں پر ظلم کی بات ہوئی تو بھارتی نمائندہ منہ چھپا رہا تھا، کشمیریوں کے علاوہ دیگر مذاہب نے بھی کشمیر کی تقسیم کو قبول نہیں کیا۔شاہ محمود قریشی کا کہنا تھا شائننگ انڈیا آج برننگ انڈیا میں تبدیل ہو چکا ہے، سکھ برادری نے بھی مقبوضہ کشمیر پر بھارتی غاصبانہ قبضے کیخلاف بھرپور احتجاج کیا، وزارت خارجہ پوری طرح آگاہ ہے کہ مسئلہ کشمیر کو کس طرح اجاگر کرنا ہے، مسئلہ کشمیر کو اجاگر کرنے کیلئے سفارتی کوششیں تیز کی جائیں گی، کشمیری شہدا کا خون بولے گا اور بھارتی ظلم و جبر کی گواہی دے گا۔وززیر خارجہ نے کہا دنیا جانتی ہے کشمیریوں کے بنیادی حقوق آج بھی سلب ہیں، کچھ لوگوں نے کشمیر ایشو سے توجہ ہٹانے کی کوشش کی، پاکستانی قوم کشمیریوں کیساتھ کل بھی کھڑی تھی آج بھی کھڑی ہے، جدوجہد آزادی میں کشمیریوں کا لہو شامل ہے، بھارت نے کشمیریوں کا جھنڈا چھینا ان کا تشخص مٹانے کی کوشش کی، بھارت نے مقبوضہ کشمیر کو 3 ٹکڑوں میں تقسیم کرنے کی کوشش کی۔شاہ محمود قریشی نے مزید کہا کورونا کے بعد دنیا کو معلوم ہو گیا کہ لاک ڈاؤن کیا ہے ؟ یورپی یونین میں مقبوضہ کشمیر کا معاملہ اٹھایا گیا، عمران خان نے یو این اجلاس میں کشمیریوں کا مقدمہ پیش کیا، بھارت نے آبادی کے تناسب کو بدلنے کی کوشش کی، مقبوضہ وادی میں کشمیریوں کی سرگرمیاں معطل ہیں، دنیا بخوبی جانتی ہے ایک سال کے دوران کشمیری جس کرب سے گزرے۔وزیر خارجہ کا کہنا تھا وزیراعظم کے جنرل اسمبلی میں خطاب پر بھارتی مندوب چہرہ چھپا رہے تھے، وزیراعظم کی جنرل اسمبلی میں تقریر، 25 ہزار کا مجمع باہر کھڑا تھا، پہلے کبھی ایسا نہیں ہوا پاکستانی وزیراعظم کی تقریر کے دوران اتنا بڑا مجمع ہو، پاکستانی سیاسی جماعتوں میں تفرقہ کی بھارتی کوششیں ناکام ہوئیں۔وفاقی وزیرِ اطلاعات و نشریات سینیٹر شبلی فراز کہتے ہیں کہ ہم نے کشمیریوں سے یکجہتی کو نئے انداز سے ڈیزائن کیا ہے۔انہوں نے کہا کہ گزشتہ ادوار میں کشمیر یوں سے یک جہتی میں ولولہ نہیں تھا، اسی لیے بھارت نے یہ اقدام کیا۔وزیرِ اطلاعات نے مزید کہا کہ 5 اگست کو تمام پاکستانی کشمیری پرچم اپنے گھروں پر لہرائیں، ہر پاکستانی اس حوالے سے اپنا حصہ ڈالے۔یہ بھی پڑھیئے:۔شبلی فراز کا یہ بھی کہنا ہے کہ اس سال 5 اگست بھارت کو معلوم ہوجائے کہ اب یہ بات ایسے نہیں رہے گی جیسے 70 سال سے تھی۔