Pakistan latest updates, breaking news, news in urdu

چین کا پاکستان کیساتھ عسکری تعلقات مزید مضبوط بنانے کاعزم

چینی وفد کا دورہ آئی ایس پی آر،پرتپاک خیرمقدم کیاگیا

244
Spread the love

راولپنڈی:چین نے خطے کا امن و استحکام برقرار رکھنے کے لیے پاکستان کے ساتھ عسکری تعلقات مزید مضبوط بنانے کی خواہش کا اظہار کیا ہے۔چین کے دفاعی اتاشی میجر جنرل چین وین ونگ نے وفد کے ہمراہ آئی ایس پی آر  کا دورہ کیا۔آئی ایس پی آر کے مطابق چینی وفد نےدورہ چین کی پیپلزلبریشن آرمی کے قیام کی 93 ویں سالگرہ کے موقع پر کیا۔آئی ایس پی آر کے ڈائریکٹر جنرل میجر جنرل بابر افتخار نے آرمی چیف جنرل قمر جاوید باجوہ کی جانب سے چینی وفد کا خیر مقدم کیا اور پی ایل اے کے قیام کی سالگرہ پر چینی وفد کو مبارکباد دی۔آرمی چیف جنرل قمرجاویدباجوہ کا چینی وفد کے نام اپنے پیغام میں کہنا تھا کہ پاک فوج اور پی ایل اے پاک چین اسٹریٹجک تعلقات کا اہم جزو ہیں، دونوں مسلح افوا ج کےدرمیان برادرانہ تعلقات پرفخرہے۔چین کے دفاعی اتاشی میجر جنرل چین وین رونگ کا کہنا تھا کہ پاک چین ملٹری تعلقات گزرتے وقت کےساتھ مضبوط ہوئے ہیں، پاک چین دوستی ہمیشہ قائم و دائم رہے گی ۔دفاعی اتاشی کا کہنا تھا کہ چین کورونا کے د وران پاکستان کی تمام شعبوں میں کوششوں کو سراہتا ہے۔چین کے سفیر یاؤ جنگ نےبھی پی ایل اے کے قیام کی سالگرہ پر اپنے پیغام میں کہا کہ پاک چین عسکری تعلقات اسٹریٹجک تعاون کاستون ہیں، چین پاکستان کے ساتھ عسکری تعلقات مزید مضبوط بنانے کا خواہش مند ہے۔یاؤ جنگ نے کہا کہ خطےمیں امن و استحکام برقرار رکھنے کے لیے پاکستان سےعسکری تعلقات مضبوط بنانا چاہتے ہیں۔