Pakistan latest updates, breaking news, news in urdu

ایف آئی اے کا عمران خان کو خط، پارٹی کو ملنے والے فنڈز، اکاؤنٹس کی تفصیلات طلب

37
Spread the love

اسلام آباد: وفاقی تحقیقاتی ایجنسی (ایف آئی اے) نے تحریک انصاف کے چیئرمین عمران خان کو خط لکھ کرپارٹی کو ملنے والے فنڈز اور اکاؤنٹس کا ریکارڈ فراہم کرنے کا مطالبہ کر دیا ہے۔

ایف آئی اے اسلام آباد زون کی ڈپٹی ڈائریکٹر کی جانب سےپی ٹی آئی کے چیئر میں عمران خان اور سیکرٹری جنرل اسد عمر کو لکھے گئے خط میں کہا گیا ہے کہ پارٹی کے قیام سے لےکر اب تک وصول کی گئی ممبر شپ فیس کا ریکارڈ فراہم کیا جائے،خط میں کہا گیا ہے کہ ان تمام قومی و بین الاقوامی کمپنیوں، کاروباری اداروں اور شخصیات کا ریکارڈ فراہم کریں جنہوں نے پارٹی کی مدد کی، نیز مختلف ممالک کی کمپنیوں اور کاروباری اداروں سے وصول رقم کی الگ الگ تفصیل فراہم کی جائے۔

ایف آئی اے نے خط میں کہا ہے کہ پاکستان تحریک انصاف کی 1996 سے لے کر اب تک کی تمام تنظیموں اور ٹرسٹ کا ریکارڈ فراہم کیا جائے، اس کے علاوہ پی ٹی آئی کی رجسٹرڈ اور غیر رجسٹرڈ قومی و بین الاقوامی تنظیموں اور ٹرسٹ کا ریکارڈ بھی فراہم کیا جائے، پی ٹی آئی کے تمام اکاؤنٹس کھولے جانے سے لے کر اب تک کی سالانہ اسٹیٹمنٹ فراہم کی جائے، پارٹی کے تمام عہدیداروں کی فہرست اور شناختی کارڈ نمبرز فراہم کیے جائیں،اور ان افراد کے نام فراہم کیے جائیں جنہیں پارٹی اکاؤنٹس آپریٹ کرنے کی اجازت تھی، اب تک پارٹی کے مالی امور دیکھنے والے بورڈ کی تفصیلات بھی فراہم کی جائیں۔

ایف آئی اے کی جانب سےلکھے گئے خط میں تحریک انصاف کے چیئرمین عمران خان اور جنرل سیکرٹری اسد عمر کو تمام ریکارڈ 15 دن کے اندر فراہم کرنے کی ہدایت کی گئی ہے۔