Pakistan latest updates, breaking news, news in urdu

کینیڈا، کیتھولک رہنما پرجنسی زیادتی کاالزام ،مقدمہ درج

34
Spread the love

کینیڈا کے معروف کیتھولک رہنما کارڈینل مارک اولیٹ پر جنسی زیادتی کا الزام عائد ہونے پر مقدمہ درج کرلیا گیا۔مذکورہ الزام کینیڈین صوبے کیوبیک کی مقامی عدالت میں پیش کردہ قانونی دستاویزات میں لگایا گیا ہے جس میں خاتون نے دعوی کیا کہ انہیں ماضی میں اس وقت جنسی زیادتی کا نشانہ بنایا گیا جب وہ کم عمر تھیں۔غیر ملکی میڈیا رپورٹس کے مطابق دستاویزات میں بتایا گیا کہ متاثرہ خاتون ایک چیریٹی کی تقریب میں 2008 میں کارڈینل مارک سے ملیں ، اس وقت ان کی عمر 23 برس تھی اور وہ چرچ میں انٹرن تھیں۔

خاتون نے دعوی کیا کہ رات کے کھانے کے بعد کارڈینل مارک نے نامناسب طریقے سے ان کے کندھوں پر ہاتھ لگایا اور پھر کمر سہلانے لگے جس پر خاتون کو سمجھ نہ آیا کہ وہ کیا ردعمل دیں۔دستاویزات میں الزام عائد کیا گیا کہ بعد ازاں 2010 میں ایک تقریب پر موقع پر کارڈینل نے مذکورہ خاتون کو بوسہ دینے کی خواہش کا اظہار کیا ، ساتھ ہی کچھ غیر مناسب جملے بھی کہے۔

واضح رہے کہ ماضی میں کیتھولک رہنما کارڈینل مارک اولیٹ پوپ کے مضبوط امیدوار سمجھے جاتے تھے۔کارڈینل مارک اولیٹ کا شمار ان افراد میں ہوتا ہے جو جنسی استحصال کو روکنے کے لیے اپنی آواز بلند کرتے رہے ہیں۔