Pakistan latest updates, breaking news, news in urdu

لانگ مارچ ختم: عمران خان نے 26 نومبر کو راولپنڈی پہنچنے کی کال دے دی

241
Spread the love

اسلام آباد: پی ٹی آئی کے چیئرمین عمران خان نے لانگ مارچ ختم کر کے پارٹی رہنماؤں اور کارکنوں کو 26 نومبر کو راولپنڈی پہنچنے کی کال دے دی ہے۔

چیئرمین عمران خان نےلانگ مارچ کے شرکا سے ویڈیو خطاب کے دوران (حقیقی آزادی)مارچ کے دوسرے مرحلے کا اعلان کرتے ہوئے کہا کہ ہماری تحریک نہیں روکے گی، 26 نومبر کو شفاف انتخابات کا مطالبہ کریں گے، ساری قوم مل کر ہمارے ساتھ جدوجہد کرے اور پنڈی پہنچے، اگلے ہفتے پنڈی میں سب سے ملاقات ہوگی جہاں میں تحریک کے اگلے لائحہ عمل کا اعلان کروں گا۔

عمران خان کا کہنا تھا کہ ہماری اپنی اسٹیبلشمنٹ نے ان کو کرپٹ کہا ہے، میرا سوال ہے کہ ایک دم یہی لوگ کیسے اسٹیبلشمنٹ کے لیے ٹھیک ہو گئے، مان لیتے ہیں اسٹیبلشمنٹ نے سازش نہیں کی مگر میرے خلاف تحریک عدم اعتماد تو روک سکتے تھے۔عمران خان نے کہا کہ میرا سوال ہے کہ وہ کیا چیز تھی کہ سوا تین سال بعد یہ لوگ اسٹیبلشمینٹ کے لیے اچھے ہوگے، ایسی کیا چیز تھی کہ پھر ان کو ہمارے اوپر مسلط کردیا، 7 مہینے کے بعد کوئی ایک ایسی چیز بتائیں جس میں بہتری آئی ہو۔انہوں نے کہا کہ تحریک انصاف وفاقی اکائیوں کی پارٹی ہے جو ملک کو بچا سکتی ہے، انہوں نے حکومت میں آنے کے بعد قانون بدل کر 1100 ارب روپیہ ہضم کر لیا ہے، اس پر انہیں جو ہرجانہ ہوگا اور قوم دیکھے گی۔پاکستان کی عدالتوں سے مجھے انصاف کی امید نہیں، اس لیے جیو اور میر شکیل کے خلاف امریکا، برطانیہ اور دبئی میں کیس کروں گا۔سینیٹر اعظم سواتی کے حوالے سے عمران خان نے کہا کہ منہ بند کرنے کے لیے میاں بیوی کی ویڈیو گھر بھیجی گئی اور سینیٹر کو برہنہ کرکے تشدد کیا گیا اور اسے کہا گیا کہ عمران خان کا ساتھ چھوڑ دو۔