پیراسیٹامول کی نئی قیمت مقرر کردی گئی

اسلام آباد: ڈرگ ریگولیٹری اتھارٹی(ڈریپ) نے پیراسیٹامول کی نئی قیمت مقرر کرنے کا اعلان کردیا ہے ۔

ڈریپ کی جانب سے جاری کردہ نوٹیفکیشن کے مطابق پیراسیٹامول 5 سو گرام کی ایک گولی کی قیمت 2 روپے 67 مقرر کردی گئی جبکہ 2 سو گولیوں کا ڈبہ 534 روپے میں فروخت ہوگا، اسی طرح پیراسیٹامول کیفین کی ایک گولی کی قیمت 3 روپے 32 پیسے کر دی گئی ہے۔ پیراسیٹامول (کیفین) 65/500 ملی گرام کی 100 گولیوں کی قیمت 332 روپے مقررکی گئی ہے۔

ڈریپ کاا س حوالے سے کہنا ہے کہ حکومت کی جانب سے منظوری کے بعد قیمتوں کا تعین کیا گیاہے،اور نوٹیفیکیشن میں درج قیمتوں کے مطابق پیراسیٹامول فروخت ہوگی۔