پاک افغان ٹی 20 سیریز : عماد ، اعظم اور اسامہ میر کو ٹیم میں شامل کرنے کا امکان ہے

اسلام آباد(سپورٹس رپورٹر)پاک افغان ٹی 20 سیریز : عماد ، اعظم اور اسامہ میر کو ٹیم میں شامل کرنے کا امکان ہے،اس حوالہ سےپاکستان اور افغانستان کے درمیان ٹی ٹوئنٹی سیریز کا اعلان آئندہ کچھ روز میں کردیا جائے گا۔ذرائع کے مطابق پاکستان اور افغانستان بورڈز کے درمیان ٹی ٹوئنٹی سیریز کے معاملات حتمی مرحلے میں داخل ہوگئے ہیں اور اگلے چند روز میں تین ٹی ٹوئنٹی میچز کی سیریز کے شیڈول کا اعلان کر دیا جائے گا۔ذرائع کا بتانا ہے کہ تین ٹی ٹوئنٹی میچز کی سیریز شارجہ میں کھیلی جائے گی، پاکستان ٹیم 23 مارچ کو متحدہ عرب امارات روانہ ہو گی، ٹی ٹوئنٹی میچز کی سیریز ایک ہفتے کے دروان مکمل کر لی جائے گی۔بتایا جارہا ہے کہ دو ٹی ٹوئنٹی میچز بیک ٹو بیک کھیلے جائیں گے ، اس کے علاوہ قومی سلیکشن کمیٹی نے اسکواڈ کے لیے مشاورت بھی شروع کر رکھی ہے۔ذرائع کے مطابق ٹی ٹوئنٹی ٹیم میں کچھ نئے چہروں کو شامل کرنے کا امکان ہے جب کہ بعض کو آرام دیا جا سکتا ہے، آل راونڈر عماد وسیم ، اعظم خان اور اسامہ میر کے ٹی ٹوئنٹی اسکواڈ میں شامل کیے جانے کے قوی امکانات ہیں۔