لاہور اور وفاقی پولیس کی خیر نہیں ،انتہائی بری خبر

لاہور (بیورورپورٹ)پاکستان تحریک انصاف کے ترجمان فواد چوہدری نے کہا ہے کہ غیرقانونی آپریشن اور تشدد میں ملوث پولیس آفیسران پر پرچے درج کرا رہے ہیں۔ تفصیلات کے مطابق سماجی رابطوں کی ویب سائٹ ٹوئٹر پر اپنے ایک بیان میں انہوں نے کہا کہ جس طرح لاہور ہائیکورٹ کے فیصلے کو ہوا میں اڑا کر عمران خان کی رہائش گاہ میں پولیس داخل ہوئی، چادر اور چار دیواری کے ہر اصول کو پامال کیا گیا، چوری کی گئی، جوس کے ڈبے تک اٹھا کر لے گئے، معصوم لوگوں کو تشدد کا نشانہ بنایا گیا جو کچھ اسلام آباد میں ہوا، یہ تمام واقعات پاکستان میں جاری آئینی بحران کا شاخسانہ ہیں۔سابق وفاقی وزیر نے کہا کہ عدالتی احکامات کو ہوا میں اڑانا ناقابل معافی ہے، ہائیکورٹ اپنے فیصلوں کا پہرہ دیں، تمام پولیس آفیسرز جنہوں نے غیر قانونی آپریشن کیا اور تشدد میں ملوث ہوئے ان پر پرچے درج کرا رہے ہیں، اس کے لیے قانونی ٹیم کی میٹنگ بلائی ہے۔