سابق رکن اسمبلی امجد نیازی جوڈیشنل ریمانڈ پر جیل منتقل

اسلام آباد(سٹاف رپورٹر)مقامی عدالت نے عمران خان کی جوڈیشل کمپلیکس پیشی پر ہنگامہ آرائی کے الزام میں گرفتار 59 پی ٹی آئی کارکنوں کو جوڈیشل ریمانڈ پر اڈیالہ جیل بھیجنے کا حکم دے دیا۔گزشتہ روز ضلعی عدالت میں پیش ملزمان میں پی ٹی آئی کے سابق رکن قومی اسمبلی امجد خان نیازی بھی شامل ہیں، عدالت نے زخمی ملزمان کا طبی معائنہ کرانے کا حکم بھی دیا ہے۔اس موقع پر جج نے کہا کہ میں سن رہا ہوں کہ کچھ افراد پولیس کی حراست میں ہیں تاہم پولیس انہیں 24 گھنٹے سے زیادہ انہیں اپنے پاس رکھ نہیں سکتی۔اس موقع پرعدالت میں زخمی ملزمان کی جانب سے زخم بھی دکھائیگئے، پی ٹی آئی وکلا کا کہنا تھا کہ ایسا رویہ کیسے چلیگا؟ بچوں کو بھی تشدد کا نشانہ بنایا گیا، اس پر عدالت کا کہنا تھا کہ میڈیا پر دو طرفہ صورتحال دیکھ رہے تھے، ایس ایچ او رمنا نے عدالت کو دکھایا وہ بھی زخمی ہوئے۔پولیس کی درخواست پر عدالت نے پی ٹی آئی رہنما امجد نیازی سمیت تمام ملزمان کو جوڈیشل ریمانڈ پر اڈیالہ جیل بھیجنیکا حکم دے دیا۔دوسری جانب عدالت نے پولیس کو شدید زخمی افراد کا پمز سے میڈیکل کروانیکا حکم بھی دیا۔